راح اذكر تجربتي وتجربه امي واختي الخاصه عن البي بي كريم الكوري
الbb كريم اختصار ل blemish balm cream ومعناه كريم بلسم
يعني مو بس يستخدم ككريم ملون لتغطيه البشره يستخدم كمعالج طبعا بما انو الماركات كتيير فالواحد يحتار بينهم واكيد طبعا
الاسعار متفاوته وبرضو التغطيه مختلفه
عن نفسي من فتره كنت بدي اشتري بس محتاره وكل واحد يمدح شي ولما كنا نتسوق امي دخلت فافافوم وكانت تبغى كريم اساس وفي كولاجين في نفس الوقت فقالتلها الي تبيع انو بي بي كريم من ماركه. لانكوم يؤدي الغرض واخدتو ب٤٠٠وشي ولما رجعنا واستخدمته امي كانت الصدمه مافي اي لووون ومجرد مرطب خفيف ولا اي تغطيه فاشل بمعنى الكلمه غير انو سعره غالي مدري ع ايش والعبوه صغيره كمان
فلغيت الفكره وقلت بجيب من بودي شوب تبعهم البي بي كريم عليه مدح بس للاسف بشرتي طلعت فيها كم حبه فابغا تغطيه اقوى واخيرااا صديقه اختي تبيع بضاعه كوريه وطبعا ماخليت شي الي اخدتووو من المنتجات البطله بس السعر شويه مبالغ كمنتج كوري ماعلينا فكانت جايبه بي بي كريم الكوري اربعه الوان وكل لون يناسب شي
وفيه حمايه من الاشعه فوق البنفسجيه
واختي اخدت الذهبي الي هوا تالت واحد من اليسار للبشره الجافه والمختلطه ويفتح البشره
امي اخذت الاورنج لجميع انواع البشره ويحسن التجاعيد والاثنين تغطيتهم خفيفه
والوردي الغامق للبشره الدهنيه
اما دا البطل هوا الي موضوعي عنه
bb cream diamond
كريم الالماس يحتوي ع الالماس واللؤلؤ وكافيار وفيتامين e
فيه منه درجتين بيج وبيج غامق
اخترته لان يناسب البشره الي فيها اثار حبوب وللبشره الدهنيه طبعا يعالج الحبوب ويفتح البقع لاحتوائه على مادتين الادينوزين والاربوتين
ويتككون من مستخلص نبات الفيتو الي يساعد ع تقليل مشاكل المسام الواضحه ودهون البشره
رايي فيييه روووعه بجد رغم اني كنت باخدو في الهوني موون بس خفت لان كان جديد وما جربته قبل فخفت يطلعلي حبوب او مايناسبني ولما رجعت استخدمته تغطييته بيرفكت مثاليه80% تقريبا يعطي البشره مظهر مشرق ويغنيك عن كريك الاساس مثالي للاستعمال اليوم خفيف ع البشره ومايسد المسام واخدته تقريبا ب١٢٠
ليست هناك تعليقات:
إرسال تعليق