بوست اليوم راح اتكلم عن رابع حاجه مهمه بالنسبه ليا في اني اطلع بمكياج مرتب وهو الروج اكيد ان اختياره مابيكون عشوائي ولا استخدامه
اول شي بسويه بقشر الشفايف بالسكر والعسل <<الي قلدت فيه منتج لوش
مو دايما احتاج تقشير فاكتفي بالمرطب وانتظر شويتين
احط عليها شويه من كريم الاساس
استخدم قلب تحديد بس مو دايما هوا يحافظ ع انو الروج يبقى فتره اطول طبعا لازم يكون المحدد قريب من الروج ولا حيكون الشكل غلط وكثير اشوفهم للاسف يحددو بلون اغمق
انا في الغالب مااحدد بس احطو كقاعده للروج
هدي مجموعه الارواج الي استخدمهم اكتر شي
انا مااستخدم البنيات والنحاسي وتوابعه
من اليمين ارواج ريميل
الاول 214
هدا صورته من النت
في الطبيعه ع مشمشي اغمق من كدا يعجبني كتير ويناسب الوان كتير
الثاني 06
صورته من النت ع الطبيعه افتح بكتير واجمل صراحه جدا ناعم ينفع للصباح وللبيت احيانا استخدمو كقاعده للروج لانو فاتح مررا ويوحد لون الشفايف
التالت 103
ويقارب درجه مااك في الاستخدام
تقريبا يجي كانو فراوله بالحليب واغمق شويه
رايي في المنتج:
جدا رائعه ثابته والونو متنوعه وحلوه وريحته حلوه وسعره مناسب برضو في الاربعين
الرابع من سيفورا جاني هديه مع مجموعه اغراض من سيفورا درجته r14
من اجمل الارواج الي استخدمتها لونو رووووعه ع طول معايا في كل سفره وفي اكتر الخرجات لونو ع بنك وشويه فوشيا
بعدو مجموعه كراجا
الاول
تقريبااا فوشياا 391 يناسب البشره الفاتحه
الثاني درجته 01c احمر وبصراحه درجته جدا خطيييره وقريب من اللون الاحمر في ماك
الثالث لونو اورنج تقريبا ويعطي اشراقه حلووه للوجه درجته 85
راي في المنتج :
اسعارها حلوه ومتوسطه تقريبا شي واربعين ع مااذكر
كريميه ناعمه ثباتها حلوو
ريحته عاديه بس مهي حلوه
واخر واحد من مايبلين احمر lady red 527
صورته من النت ثابت ومافي لمعه ينفع للسهراات
راي في المنتج :
رائع انا احب منتجات مايبلين خصوصا الماسكرات عندو
سعره حلو متوسط تقريبا شي واربعين مو اكتر وكمان ثباته مرا حلو
في خططي الجايه بعتمد عليه والالوان الي ماالاقيها عندو
بجيبها من ريميل
اخر نقطه :الروج لازم يكون متناسب مع الشادو مانختلف ع دي النقطه احيانا الواحد يحتار كيف يركبها مع بعض
ممكن اكتر الاشياء الي تمر علينا الشادو الاسود والذهبي والنحاسيات استخدمم معاه بنك فاتح او نيود
الالوان الترابيه البيج وكدا فوشيا او احمر
السلفر ودرجاته بنكي
اراكم ع خير وسعاده
ليست هناك تعليقات:
إرسال تعليق