كثير يهتمو ببشره الوجه ويهملو اليدين رغم انها جزء من اناقتك واهتمامك بنفسك
من الاشياء الي تضر بشره اليدين كثره التعرض للشمس ضروري تستخدمي واقي اذا راح تخرجي وكثره الغسيل والصابون يؤدي لجفافه
طبعا في علاج لليد الي بتكون واضحه عروقها وكتير بسوولها فيلرز بس مايطول سته سبعه شهور بالكتير
بالنسبه لاظافرك عشان تكون قويه مهم جدا البيوتين الي هوا فيتامين b7تلاقيه في اللوز والفول السوداني والي ماايحبهم يحاول يدور بديل هنه في الصيدليات
بالنسبه لبرد الاظافر وكيف تسويها في البيت النت مليان بالفيديو كيف يسووها انا صراحه اسويها بره ارتب ومو كتير مااحب اشيل الجلد يعني من فتره لفتره بس عنايتي فيها عندي مجموعتين وحده الحديد
والتانيه اختي الله يسعدها جابتها ليا من دبي (magiff)مررررا حلوووه الصوره من النت لاني المجموعه عندي متهالكه بس الفرق ان الزيت الي بالصوره زي المنامير والي عندي زي القلم وفي نهايته فرشه
الكريم الي جوا المجموعه بالخيار لليدين والجسم خفيفه مو مرا ترطيب يستمر بس يفتح بما ان فيه خيار وتبع القدمين برضو مرا تحسي ان رجولك تتنفس تقشري فيها انا استخدمو وقت الشور وفيهامبرد والمبرد الملمع
طريقتي :
ابرد الظفر وبعدين انقع يدي بمويه دافيه وصابون وبعدين انشفها واحط الزيت الخاص بالجلد الي حولين الظفر وادفع الجلد ع ورا بالحديد الخاص
بعدين المع الظفر بمبرد التلميع مرا حلو ويخلي الظفر يلمع كانك حاطه ملمع له اربع اتجاهات ومكتوب على كل كل جهه رقم انو حتبداي برقم واحد اتنين تلاته وكدا
بعدين احط صنفره وعندي مجموعه صنفرات كل مره استخدم شي تعطي نعومه لليدين واحيانا ملح الحليب
واخر خطووه واهم خطوووه الترطيييب
انا استخدم دي الكريمات واحد معايا في الشنطه وواحد في الصاله وواحد في المطبخ من جونسون وفازلين
والتلاته بصراحه ترطيبهم حلوو وماعليهم كلاام
وجونسون يستمر ترطيبه فتره طووويله وفازلين تحسي ان اظافرك اتحسنت وفيها فرق
اراكم ع خير
ليست هناك تعليقات:
إرسال تعليق