من الاشياء الي الاغلبيه ببيعانو منها حبوب الظهرر
انا الحمدالله ماتعبت كتير في علاجها يعني مجرد مااتبعت التعليمات قلت واختفت
مو زي حبوب الوجه طولت في علاجها
طبعا مادري ايش سبب ظهورها فجأه لقيتها فيا بشكل ملحوظ
بس غالبا الاسباب تكون دهون زائده تؤدي لانسداد المسام بالتالي ظهور الحبوب
او لبس ضيق وتعرق في المنطقه مع نقص اهتمام بنظافه الظهر لصعوبه الوصول لتلك المنطقه
وربما نزع الشعر يتسبب بظهور الحبوب
نجي للمهم
طريقه علاج الحبوب
اول شي خدي شور وخلي المنطقه دي دايما نظيفه وجافه
في الشور استخدمي الليفه الي بيد طويله لسهوله الوصول للمنطقه
شبه الي في الصوره طبعا كسلانه اقوم اصور بالقوه لقيت شبهها انا عندي لونها بنفسجي
سعرها امكن ١٠
انا اغسل ظهري بصابونه ديتول روووعه رغم اني في البدايه استهترت فيهاا وماصدقت بس
قلت اجرب فتره لقيت الحبوب خفت والاحمرار زال
لاتستخدميها مباشره ع ظهرك ادعكيها بالليفه المنفوشه تبع بودي شوب انظف وافضل
تانيا حاولي تلبسي فضفاض شويه او قطنيه عشان تقللي من الاحتكاك في دي المنطقه
تالتا بعد ماتجفيفيها امسحي بتونر غارنييه ظهرك مرااا فعاااال طبعا هوا في حمض الساليسليك ودا الحمض ضروري يكون في علاجاتك لحب الشباب يعمل على التقشير ويخلص المسام من البثور
سعره ٢٨
رابعا كنت ادهن المنطقه المصابه ب اكرتين طبعا حطي بس ع الحبوب بس انا كانت اغلب المنطقه مصابه فبدهنو كلو
الصوره للتوضيح لان الي عندي خلص نسيت
سعره اما ١٩او شي وعشرين
تقدري تستخدمي مرهم فيه بينزول بروكسايد ميزته يقتل البكتريا المسببه للحبوب
انا ماستخدمته بس قريت عنه
مايحتاج تحطي مرطب لظهرك
كدا كان علاجي للحبوب
بعدها بقيت عندي الاثااار عقدتي الاثار تحوسي فيها اكتر من معالجه الحبوب
1. كنت استخدم هاي كوين كريم مفتح اعطتني هوا دكتوره بس مو لظهري بس انا خليته لظهري ريحته مرررا مهي تماااام كانو دجاج مو مطبوخ ههه عشان كدا في ظهري احطو افضل
سعره بحدود ١٤او ١٨
٢هادي النقطه بكيفكم لان الاغلب مايحبوو ولاانا ماعاد اشتريه بس علبه وحده كفايه عالجتني ورميتو طبعا انا كان في خدودي شويه احمرار فسالت شغالتنا كيف عالجتي بشرتك جابتلي العلبه واخدت الاسم كريم كيلي بس ماتوقعت الاقيه فرحت النهدي مرا من المراات ولقيتته وجبتو بصراحه عشان سعره ٤ ريالالت فقط خفت ومااستخدمتو لوجهي لان بشرتي حساسه ولان سمعت في زئبق فحطيتو لظهري بس اختفت الاثار رميتو
غير كدا لاتنسي التقشير لمنطقه الظهر مره في الاسبوع
تقشير بعد ماتروح الحبوب انتبهي اتقشري والمنطقه مازالت مصابه
هدي المقشرات الي استعملها
وهادي الفرشه للتقشير الجاف
الصور اغلبها من النت لان علاجي لظهري من فتره وخلصت العلاجات ومهي عندي
خليت المواقع ع الصور حفظا لحقوق اصحابها
في حفظ الله ورعايته
ليست هناك تعليقات:
إرسال تعليق