غسولات +تونرات للعنايه وعلاج مشاكل البشره

حاليوم حتكلم عن الغسولات والتونرات الي استخدمتها سواء للعنايه بالبشره او لعلاج الحبوب 

اهم خطوه انك تعرفي نوع بشرتك 

من اليمين هيمالايا بالنيم والكركم

جدا رائع خلصت واحد وجبت تاني اذا بشرتي كان فيها حبوب وكدا اقوم استخدمه ينضف
وينشف الحبوب
 بس بعدو احتاج ترطيب لانه ينشف الوجه
سعره ٢٨ 

  الي في الوسط يوريج ماركه فرنسيه وصفتلي هوا  

دكتوره جلديه قالتلي لاتستخدمي مقشر لوجهك لان بشرتي حساسه واعطتني داا طبعا كتبلتلي معاه كريم
واعطاني الصيدلي شي غلط كريم بكولاجين سعره ٥٠٠ المشكله اني فتحته واستخدمته بعدين حاولت
اترجم الكلام لانو بالفرنسي وطلع انو ينفخ الخدود وقلت يلا خليني اكمل استخدام وانفخ خدودي 

نرجع للغسول جدا خفيف وناعم ع البشره ومريح ويعطيك شعور حلوو ماينشف البشره  ويحافظ على رطوبتها
مرررا ناعم ومرا حبيتو بس لو حاطه ميك اب لاتغسلي فيه ماتوقع تنظيفه بعمق
سعره ١٤٠بس يطووول معااك مراا

الاخير جونسون بحبيبات ناعمه تعجبني منتجاته لانه غالبا يناسب البشره الحساسه وانا بشري حساسه

واي غلطه تزعل عليا 

 هدا الغسول  من كلين اند كلير خلصت واحد وهدا التاني بس لسا مافتحته احب لما اخلص منتج اخد استراحه منو واجرب حاجه تانيه عشان بشرتي  ماتتعود هدا برضو في حبيبات مقشره مرا ناعمه وخفيفه ع البشره جداا راائع واحلى من جونسون في المفعول اقوى 

سعره مو اكتر من ٣٠

نجي للتونرات عن نفسي مااحب استخدمها يوميا استخدامي لها متباعد او حسب الحاجه 

ع اليمين كلينك غني عن التعريف تكلمت عنه قبل والي عاليسار
 غارنييه في البدايه ماحبيته عشان ريحته وبعدين قريت عن تجربه وحده استخدمته ودالها اثار الحبوب
والحبوب الي في ظهرها وفعلا استخدمتو لظهري جداا رااائع ولوجهي في حاله ان كان فيا حبوب
واذا كانت بشرتي فيها دهون  

هدا من ايف روشيه للبشره الحساسه خفيف كانو مويه مو تونر الي تخاف
ع بشرتها من التونرات تستخدموو 

دمتم بسعاده