موضه هدا الشتاء البشره الخاليه من المكياج واكتر شي دا اللوك بنلاقيه ع الاجانب نو ميك اب بس مو معناته انو مايستخدمو اي مستحضر ع بشرتهم بيستخدمو كل شي بس بطريقه ذكيه حتى تبان البشره طبيعيه
احيانا احضر مناسبات اشوف اشخاص مسوين حواجبهم بس وشويه روج حقيقي المنظر غلط شويه ماينفع احط ميك اب ع بشره مافيها مكياج حتى لو البشره صافيه حيكون في شي مو تمام في طلتك
انا شخصيا احب استخدم اللوك دا في الصباح والخرجات البسيطه خصوصا ان احيانا احب اريح بشرتي شويتين من الميك التقيل طريقتي في المكياج الخفيف اهم شي تكون البشره مصقوله لو كانت القاعده سليمه شغلي بيكون نظيف ومرتب
هده مجموعه الكونسيلر الي اكتر شي بستخدمو بس احب استخدم تبع برجوا في اللوكات البسيطه احط منو على اماكن الاثار والاحمرار هوا سائل فراح يمتزج مع بشرتك ومايبان ان في تفاوت بعد كدا اطبطب عليه بطرف الاصبع بطريقه التربيت بعده اغطي بشرتي ببودره مطفيه انا استخدم لمكياج الصباح بودره ايف روشيه تغطيتها خفيفه مكوناتها طبيعيه وفي الخرجات البسيطه استخدم بودره شيسيدو تغطيتها اتقل وفيها لمعه خفيفه
واحيانا للبشره مصقوله اكتر بستخدم البي بي كريم والنوع الي استخدمه اتكلمت عنه قبل حقيقي رائع ويعطيك لوك لبشره بيرفكت
اراكم ع خير
ليست هناك تعليقات:
إرسال تعليق