دا القسم حابه اخصصو للاشياء الي ممكن تفيد العرائس ..خصوصا انو الوحده لما تنخطب وتبدا تجهز وتدور تضيع بين المواقع وماتعرفي ايش تاخد وايش تخلي عن نفسي ضعتتت كنت ابحث عن اشياء معينه وللاسف ماالاقي والاغلب مكرر او منقول
راح اتكلم عن الاشياء الي مريت فيها والي اشوفها مهمه مااراح اكتب عن حجوزات وعن قاعات ولا عن طريقه تجهيزك ومهرك امكن الاغلب عندو خبره بس لو محتاجه مااحقصر بالي اقدر عليه
اول شي حتكلم سريع عن فتره الخطوبه عن نفسي كانت سريعه فاشتريت فستان من بوتيك كان نفسي بتركواز بس للاسف مالي نصيب حجزت ميك اب وشعر في لمسات صبغت شعري لو لايت لان فستاني فوشي فما حبيت يكون بيج لون شعري حتبهت ملامحي فستاني شبه دا بالززبط
وشعري سويتو خصل عشوائيه مرفوعه وبعضها نازل
مكياجي سموكي اسود وبنكي وروج بنكي فاتح
نصيحه :كوني ع طبيعتك فتره الملكه لاتبالغي باللبس والميك اب لو عدت مناسبه عيد او شي زي كدا اكشخيي
حاولي تققلي اتصالات ومقابلات حتى مايسير ملل في فتره شهر العسل
انبسطي وعيشيهابس بحدوود
فستان الفرح :
من يوم تلاقيه وتخلصي منه ترتااحي وتحسي شي تقيل وراح عنك
ملاحظات سريعه حاولي يكون لون الفستان متناسب مع بشرتك لو كنت بيضا ماينفع ابيض حتبان ملامحك باهته لازم موازنه عن نفسي مااحب الابيض فاخترته قريب للسكري
وتاني شي لازم يكون الموديل مناسب للجسم انا ماقدرت اسوي موديل السمكه الي ماسك من فوق منفوش من تحت لان راح يعطيني منظر اني انحف بزياده فكان ماسك للخصر ومن تحت منفوش
وازني بين شغل الفستان والطرحه والاكسسوارات الي راح تلبسيها عن نفسي كان الكرستال شويه مليان في الصدر وع الرقبه فلبست حلق بسيط وطرحتي كنت نفسي بدا اللوك بس فستاني ماسمح
مااحب الي تجي قصيره زي كدا
واخيراا استقريت ع كدا
واصغر حبتين بس ساده واطرافها كرستالات صغيره جدا وحطتها ليا من تحت التسريحه
مالبست تاج عشان اضاءه فستاني قويه فلبست هامه كيم كارديشان صممتها عند محل مجوهرات
مكياجي كان زيتي وعشبي والروج مشمشي فااتح
المسكه
سويت وحده صناعي احتياط لان اختي سار فيها مقلب قبل كدا ع المسكه
وسويت مسكه ورد طبيعي
الكعب اجباري البس مرتفع ولاانا مااحب العالي الي مرا بس سويت قبلها تدريبات مكثفه حتى تزبط المشيه ولله الحمد كلو تمام
تقريبا هادي تجهيزاتي بلمحه سريعه كمقدمه للبوستات القادمه
ليست هناك تعليقات:
إرسال تعليق