موضوعي اهداء لكل عروسه من الاشياء المهمه لكل بنت عامه وكل عروسه خاصه كيف تبقى
ريحتها ثابته وملفته
من الاشياء الي استخدمها وتستحق اني اشتريها مره واتنين وعشره المجموعه دي الي
بستخدمها في تعطير جسمي
على راسهم وفي التوب ومايختلف عليه اتنين مسك العروس او مسك الطهاره
من العربيه للعود كان مسوي عرض اخدت الاتنين بميتين ريال جربت الي ع لوشن
وتقيل ولونه ابيض والسائل الشفاف وعجبني التقيل في المنطقه الحساسه والخفيف احطو ع اماكن النبض
تاني شي الخمريات الفرنسيه الي تجي جامده وكانها شمع هدي عشقي الابدي لايمكن اشوفها ومااجيبها بصراحه تعطي ريحه مررا حلوه وانا كنت احطو ورا ادني الكل يسال ايش الريحه الي حاطتها واختي نفس الشي فراحت اختي وجابت هدايا بروايح مختلفه وكل الي خبلو ع الريحه اعطتهم هوا في العيد
هوا الوان يجي وردي واصفر واخضر وانا اكتر شي عجبني الاخضر لانو خفيف
والي تحته الاحمر برضو نفس الفكره تقريبا بس بطريقه جديده يجي ضغاط ويتحط برضو في الشعر ويعطي للجسم ملمس ناعم
وبودرتين من اجمل الوحده سعرها ١٥ اخدت الموف والاخضر مرااا ريحتهم حلووه والله يسعد الي دلتني عليهم
اخدت هديه عطر البودره الموف مرررا ريحته حلوه ومنعشه ولما جا العيد رحت واشتريت العطر
نجي لابطال القصه
الكل سمع عن خان الصابون وعن منتجاتهم الي كلها طبيعيه عندهم كريمات وصابون لتفتيح المناطق الغامقه بالجسم ولعلاج الحبوب والسليولايت وغيره
عن نفسي اخدت من عندهم منتجين زيت عطري (حمادي مسك)
مكوناته :زيت زيتون زيت سمسم زيت لوز زيت مسك الي ع اليمين
رايي فيه
ريحته جدااا رااقيه وحلوه وثاابته شميت ريحتو ع اختي كانت حتى بعد ماتروح الاقي ريحتو في كل شي مسكتو او لبستو خصوصا شرشف الصلاه فقلت ان شالله بجيبو لشهر العسل وكدا وفعلا وصيت عليه وجبتوو
تقدري تحطي منو في شعرك كمان مسحه خفيفه كدا بيقولو بس انا مااحب اعطر شعري كتير بصراحه كل لبسي الي حطيتو وانا لابستو وشنطه السفر سارت ريحه الشي دا.
علبته حلوه بحيث تاخدي في شنطتك او في سفر وتضمني انو ما يتسرب وكدا
والشي التاني اخدت صابون تعالج الحبوب والبقع وتوحد الجسم واسمها صابونه الجيرانيوم استخدمتها بس كدا وماكنت متوقعه ان حتسوي شي بس بعد ماخلصت بعد كم شهر طولت مرا عندي لقيت ظهري صافي من الاثار وكدا برجع اخد من عندهم نوع تاني لعلاج شي اخر
منتجاته تكون مغلفه بدي الطريقه الصوره من النت
عندو خلطات برضو وحاجات حلوه
هدي من النت بوريكم الشكل عامه
وهدي انواع من الصابون الي عندو
اتمنى انو يكون البوست عجبكم وخفيف عليكم
اراكم بخير وسعاده
ليست هناك تعليقات:
إرسال تعليق